Wer sin mr?
Mir sinds Kuki und üsi Gruppe bestoht us lebendige und ufgstellte Kindergarte Jungs und Mädels. Mir sind en quirligi Gruppe, wo aktuell öpe us 3-5 Teilnehmer bestoht. Mir würen üs aber mega über jedes neue Kind freue, damit üsi Gruppe wachst.
Wa machen mr?
Mir treffen üs jede zweit Samstig am Nomittag. Zäme verbringend mir spannendi und luschtigi Moment mit Spiel und Spass dusse aber au mol dinne im Kirchgmeindhus. Mir lerndend au chli was über Bible und übers Cevilebe. De Abschluss wird amel mit me feine Zvieri krönt.
Werum machemr Cevi?
Mir Leiter möchten üseri Begeischterig und Lideschaft für Natur, de Glaube und Gmeinschaft gern witergeh. So machts üs immer wieder glücklich, wemmer mitemene tolle Programm und me schöne Nomittag hend chöne es Strahle in d Gsichter vo de Kids zaubere.
Julia Eggenberger v/o Vivace
I bi d Gruppeleiterin vum Kuki, falls du froge hesch dörfsch du mi sehr gern unter minere Mail kontaktiere.
Nando Egli v/o Kajak
Nele Chiaberto v/o Milou
Nevina Lippuner v/o Chippa
