Wer sin mir?
Kepaia bedütet «fröhlich, hilfsbereit, intelligent, immer debii» und genau so sind au mir! Die Gruppe bestoht sit em 17.08.2019. Üsi Johrgäng sin 2011 bis 2013. Mittlerwiile sin mir die ältisti Meitlegruppe.
Was machen mir?
Zeme mit üserne Leiterinne verbringen mir vieli lustigi und spannendi Abentüür – chum doch au! Üs trifft ma dussa ah, im Wald bim Zwergehüsli baue, am Füür oder unterwegs in Grabs. Mengmol sin mir au dinne am bastle oder bereiten zeme en feine Zvieri zue. Natürlich dörf Bewegig, Spiel und Spass nid fehle. Mengmol lernemer sogar öppis cools 😮
Warum machen mir Cevi?
Mir Leiterinne freuen üs, wenn mir mit üsere Meitle cooli, abwechsligsriichi Programm mit viel Action erlebe dörfen. Üs isch es wichtig, dass mer die Erlebnis, wo mir alli als Chind im Cevi hen dörfe erlebe, au de nöchste «Cevi-Generation» chön witergeh.
