Wer sin mr?
Jede zweiti Samschtig-Nomittag treffen sich d Meitle vo de Gruppe Ceria im Cevi Werdeberg. Ceria stot für Hilfsbereit, Motiviert und Lustig. Gern sind üsi Meitle sehr kreativ unterwägs, si bastlen am liebste mit verschidene Materialie. Ob Papier, Farbä oder Perle, si erschaffen immer wieder neui und einzigartigi Kunstwerk. Die Bastelnamittag sind für d Meitle e wunderbari Mögligkeit, ihri Fantasie z entfalte und stolz ihri selbrgmachte Schätz mit hei z näh.
Wa machen mr?
Wenn s Wetter emol nöd mitspilt, verbriingen d Meitle au gärn ihre Ziit in de Chuchi. Si bachen zäme Guetzli oder Muffins und hend debii jedi Menge Spass. Während d Leckereie im Ofä sind, losen si ufmerksam de Gschichte zue, wo ihri Leiterinne ine vorläsen. Die gmüetliche Namittag sind für d Meitle genau so wertvoll wie s Spile und Bastle, hauptsach si verbringen ziit mit ihrne Kollegine und händ vill spass 😉
Wie chani do mitmache?
Bisch du zwüsched 7ni und 8i und hesch Luscht uf spanneni Namittäg bi üs im Cevi? Denn bisch du bi üs in de Gruppe Ceria genau richtig! Wird en Teil vo üsere fröhliche Meitlegruppe und erleb unvergesslichi Moment mit neue Fründinne. Mir freued üs uf dich!
Mir sin d Gruppeleiterinne vu de Gruppe Ceria, falls du froge hesch dörfsch du üs sehr gern unter üsere Mail kontaktiere.
Noëmi Gantenbein v/o Aska
